إنت مش بتحبي القطط؟
لأ
إزاي مع أنك بنت
إنت مش بتحبي تتصوري؟
لأ
إزاي مع أنك بنت
إنت مش بتحبي اللبس
الموف و البينك؟
لأ
إزاي مع أنك بنت
إنت مش بتحبي تلبسي
جزم بكعب؟
لأ
إزاي مع أنك بنت
انت مش بتحبي تقعدي
فى كافيهات؟
لأ
إزاي مع أنك بنت
أنا عايزة اعرف
هو فى قاموس بيقول البنت تلبس إيه و تاكل إيه و تحب إيه و تشرب إيه؟
أيوه أنا مش بحب
أعمل كل الحاجات دي، مبحبش القطط و لا بحب أتصور، و بحب البس كحلي و اسود و رصاصي و
بحب ألبس جزم على الأرض و شنط كاجوال و مبحبش أقعد فى كافيهات و بحب اسمع سيد درويش
و عبد الوهاب و منيرة المهدية كمان، و رغما عن أنف القاموس
أنا بنت
ليست هناك تعليقات:
إرسال تعليق