بتبقى لحظه قصيرة جدا بس ممكن تديلك إحساس
يأثر فيك يوم كامل أو إسبوع، اللحظة اللي بيجيلك فيها حنين لمكان معين او عادة
معينة كنت بتعملها وبطلتها او شخص معين يجي على بالك وتفتكر موقف معين كنت معاه
فيه
لحظة حنين.. تنزل الشارع بعد الدنيا ما تبطل
شتا وتشم ريحة الشتا على جدران المباني وساعتها تفتكرعلى طول احساسك وانت نازل
المدرسة في شهر 12 او 1 بدري اوي قبل ما
الشمس تشرق بالكامل
او تشوف الغروب تفتكر أيام الصيف وهما بيقلولك
خلاص الشمس حتروح واحساس الزعل ان خلاص وقت المرواح جه ومافيش بحر تاني باقي اليوم
تسمع جزء من اغنية تفتكر بيه موقف كامل حصل
وكنت بتسمع الاغنية دي او ممكن يكون جزء من موسيقي تصويرية او تتر فيلم ولا مسلسل
قديم يرجعلك ذكرى موقف كامل حصل والفيلم ده كان شغال
او ممكن من غير اي مؤثرات خالص ومن غير سبب
تفتكر حاجة وتستعيد موقف كامل في ذاكرتك وفي اللحظة دي يرجعلك نفس الاحساس وممكن
نفس الالوان والروايح كمان
لحظات الحنين دي بتبقى لحظات جميلة اوي
وغالبا الانسان اللي بتجيله اللحظات دي كتير بيبقى عايش واقع مش سعيد بيهرب منه
للذكريات دي بس بيبقى ليها تأثير جامد تخلي الواحد يقدر يكمل..
ليست هناك تعليقات:
إرسال تعليق